नेपाल-भारत मैत्री र शान्ति सन्देश: मिडिया र समाजसेवीको भूमिकाबारे समाजसेवी राज्यलक्ष्मीको विशेष आह्वान
काठमाडौं — नेपाल र भारतबीचको सांस्कृतिक, सामाजिक तथा आर्थिक सम्बन्धलाई अझ प्रगाढ बनाउने उद्देश्यका साथ राज्यलक्ष्मीले भारतका पत्रकार, समाजसेवी तथा भारत सरकारप्रति विशेष धन्यवाद व्यक्त गर्दै ऐक्यबद्धताको सन्देश जारी गर्नुभएको छ।
बुद्धको जन्मभूमि नेपालबाट सन्देश प्रवाह गर्दै उहाँले दुवै देश केवल छिमेकी मात्र नभएर एउटै परिवारजस्तै भएको उल्लेख गर्नुभएको छ। पशुपतिनाथको आशीर्वाद र काशीको ज्ञानले दुई देशको भ्रातृत्वलाई सदियौँदेखि जोड्दै आएको सन्देशमा स्मरण गराइएको छ।
उहाँले नेपाल र भारतबीचको सम्बन्ध र सहकार्यका विविध पक्षमा जोड दिँदै निम्न बुँदाहरू सार्वजनिक गर्नुभएको छ:
- सत्य र पत्रकारिता: सीमापार सत्य सूचना पुर्याउने र समाजलाई कलमका माध्यमबाट जोड्ने पत्रकारहरूको योगदानको उच्च प्रशंसा गर्दै धन्यवाद ज्ञापन गरिएको छ।
- निःस्वार्थ समाजसेवा: दुवै देशमा मानवता जीवित राख्न अहोरात्र खट्ने समाजसेवीहरूलाई वास्तविक नायकका रूपमा सम्मान व्यक्त गरिएको छ।
- सद्भाव र सहयोग: नेपालको सुख-दुःखमा सधैँ साथ दिँदै आएकोमा भारत सरकारप्रति हृदयदेखि आभार प्रकट गरिएको छ।
- उद्योग तथा व्यापार विस्तार: आगामी दिनमा नेपाल र भारत सरकारबीच आर्थिक, औद्योगिक तथा व्यापारिक स्तरवृद्धि (Upgradation) भई मैत्रीपूर्ण सम्बन्ध अझ अटुट र बलियो बन्ने दृढ विश्वास व्यक्त गरिएको छ।
आगामी बैठक तथा नवीन सुरुवातको सन्दर्भ जोड्दै उहाँले भन्नुभयो, “भगवान बुद्धको जन्मभूमिबाट विश्वभर रहेका नागरिकहरूले बुद्धको पञ्चशीलको सिद्धान्तलाई अनुसरण गरून्। विश्वमा शान्ति फैलाउन मिडियाकर्मीहरूले महत्त्वपूर्ण भूमिका खेल्नेछन् भन्ने अपेक्षा लिएकी छु।”
सत्य, सेवा र सौहार्दको दीप बालेर दुवै देशको हितमा एकजुट हुन आह्वान गर्दै उहाँले “जय नेपाल, जय भारत” को नारासहित आफ्नो सन्देश दिनु भयाे।