नेपाल अलैँची व्यवसायी महासंघको नवौँ वार्षिक साधारणसभा तथा पाँचौ महाधिवेशन बाट पाँचथरका दीपक नेपालकाे अध्यक्षमा झापा विर्तामोडका प्रज्वल विमली महासचिवमा सर्वसम्मत चयन भएका छन् । झापाको बिर्तामोडमा शनिबार भएको महाधिवेशनले नेपालको नेतृत्वमा नयाँ कार्यसमिति चयन गरेको हो । महाधिवेशनले नारायण चिमरियालाई वरिष्ठ उपाध्यक्ष, मात्रिका घिमिरे, सुजित बंसल र कुसुम दाहाललाई उपाध्यक्षमा चयन गरेको छ ।

त्यसैगरी सचिवमा सञ्जीव घिमिरे सहसचिवमा प्रेम राई र कोषाध्यक्षमा रामकृष्ण विष्ट   चयन भएका छन्।  प्रतिस्पर्धामा नेपाल, चिमरिया र ओम विमली रहेका थिए । नेपाल अध्यक्ष, चिमरिया वरिष्ठ उपाध्यक्ष र ओमका छोरा प्रज्वललाई महासचिवमा राखेर समिति सर्वसम्मत भएको सहभागीले जनाएका छन् ।

ताप्लेजुङका व्यवसायी बालमणि बराल कोशी प्रदेश संयोजक भएका छन् । अधिवेशनको कोशी प्रदेशका मुख्यमन्त्री हिक्मत कार्कीले उद्‌घाटन गरेका थिए । पछिल्ला वर्ष नेपालबाट सबैभन्दा बढी दोस्रो देश निर्यात हुने सूचीमा अलैंची पनि पर्ने गरेको छ । काँकडभिट्टा नाकाबाट बढी निर्यात हुने गरेको छ । नेपालमा उत्पादन हुने जिल्ला भने ४३ पुगिसकेका छन् /